Maqedoni, dosjet përçajnë shqiptarët
27/10/2010 02:20
Incidente me djegie flamujsh shqiptarë dhe maqedonas në Shkup, BDI akuzon policinë: Ata e nxitën! 29/11 16:28
Publikimi i dosjeve të shërbimeve sekrete kanë krijuar një klimë të ashpër mosmarrëveshjesh mes faktorit politik shqiptar.
Gazeta maqedonase “Dnevnik” publikon të dhëna dhe pseudonimin e një deputeti të BDI-së, i cili sipas gazetës ka punuar për shërbimin sekret serb në Zvicër, për të spiunuar në dëm të UÇK-së.
Gazeta në shkrimin e saj nuk publikon emrin e zyrtarit të lartë partiak dhe që është një ndër themeluesit e Ushtrisë Çlirimtare Kombëtare në Maqedoni por përdor nofkën e tij, Ibar.
Në artikullin e titulluar “UÇK u themelua në Beograd” shkruhet se Ibar kishte vepruar në Zvicër si emigrant shqiptar dhe për qëllim kishte informimin e shërbimeve sekrete serbe lidhur me veprimet e aktivistëve të pavarësisë së Kosovës.
Ibar sipas gazetës është deputet dhe funksionar i lartë i BDI-së. Por BDI nga ana e saj ka hedhur poshtë pretendimet e gazetës duke i cilësuar ato si përpjekje për të nxitur vëllavrasjen mes shqiptarëve.
Top Channel
