Irak, dënohet me vdekje Tarek Aziz
26/10/2010 12:20
Putin: Rusia do të përmbushë të gjitha objektivat e vendosura në Ukrainë, e vërteta është në anën tonë 30/09 11:32
Tarek Aziz, për shumë vjet fytyra e Irakut në arenën ndërkombëtare, është dënuar me vdekje nga Gjykata e Lartë irakene.
Ai u dënua lidhur me persekutimin e partive fetare, thuhet në një komunikatë të organit gjyqësor.
Aziz ka shërbyer si ministër i Jashtëm dhe si zëvendëskryeministër, si dhe ka qenë një bashkëpunëtor i ngushtë i Saddam Hussein.
Ai ka qenë i dënuar edhe më parë për rolin e tij në ekzekutimin e disa dhjetra tregtarëve për spekulim. Aktualisht thuhet se Aziz është shumë i sëmurë.
“Gjykata ka vendosur urdhërin e ekzekutimit për Tarek Aziz, për rolin e tij në eleminimin e partive fetare”, raportoi pak më parë televizioni shtetëror iraken.
Aziz, një iraken i krishterë, u dorëzua tek trupat amerikane në vitin 2003, vetëm pak kohë pas rrëzimit të regjimit të Hussein. Në 2009-ën ai u dënua me 15 vjet burg për vrasjen e 42 tregtarëve irakenë.
Top Channel
