Isa Mustafa ndërron mendje
25/10/2010 15:45
“Rikthehet” Gjukanovic, partia e tij fiton në Podgoricë, zbrapsen pro-serbët
30/09 14:28
Dhjetëra banorë të Prishtinës kërkuan këtë të hënë para selisë së LDK-së, kandidimin e Isa Mustafës për kryetar të LDK-së. (UPDATE)
Ndërsa kërkoi dorëheqjen e Fatmir Sejdiut, ky grup qytetarësh nga lagjia “Kodra e Trimave” në kryeqytetin kosovar, i ofroi mbështetje Ukë Rugovës, djalit i ish presidentit Ibrahim Rugova.
Top Channel ka mësuar se një protestë e përmasave më të mëdha e organizuar nga Tifozët prishtinas “Plisat” u anulua pasi kryetari i komunës së Prishtinës isa Mustafa u premtoi atyre kandidimin për kryetar të LDK-së. Në një konferencë për media, zoti Mustafa nuk përjashtoi mundësinë e kandidimit për të parin e LDK-së. Ai u bëri thirrje qytetarëve për qetësi gjatë procesit.
“Nëse anëtarësia dhe degët e LDK-së kërkojnë zgjidhje tjetër, unë jam gati për zgjidhje të tjera. Eshtë cështje e anëtarësisë së LDk që të japin besimin e tyre për zgjedhjet e ardhshme”, tha Mustafa.
Sa i përket procesit zgjedhor të LDK-së gjasat që zhvillimi normal i tij të ndërpritet janë të mëdha. I pyetur për këtë çështje anëtari i Kryesisë së kësaj partie Ismet Beqiri tha se ende nuk është vendosur për zgjedhjet e jashtëzakonshme nga do të varej edhe procesi i brendshëm në LDK.
Top Channel ka mësuar nga burime partiake se nëse zgjedhjet e jashtëzakonshme shpallen këtë javë, LDK-ja do të zhvillojë një Kuvend Zgjedhor me anëtarët e vjetër të kuvendit të vitit 2006, duke mos pasur kohë për të pritur delegatët që duhet të zgjidheshin nga degët në qytete.
Top Channel
