Cmimi Nobël, dhjetra të arrestuar në Kinë
09/10/2010 14:35
Zgjedhjet presidenciale në SHBA, 41 milionë të rinj kanë të drejtë vote 30/09 22:34
Disa dhjetra kinezë janë ndaluar gjatë natës nga policia pasi po festonin dhënien e cmimit Nobël për Paqen disidentit Liu Xiaobo.
“Miqtë e mi kishin organizuar një festë pranë Pallatit të Verës dhe që prej ditës së djeshme s’po lidhem dot me ta”, ka deklaruar një avokat që lufton për të drejtat e njeriut.
Edhe disa profesorë që kishin shprehur vlerësimin e tyre për dhënien e cmimit janë bllokuar gjithashtu nga agjentët e policisë.
Por ditën e sotme shtypi kinez dhe televizionet shtetërore e kanë injoruar plotësisht lajmin mbi arrestimet e kryera.
Ndërkohë, gruaja e disidentit Liu Xiaobo do të mund ta shohë bashkëshortin ditën e nesërme në burgun e Xhinzhout.
Një grup humanitar me kinezë të larguar në Hong Kong ka bërë të ditur se Liu Xia ka mbërritur sot në Xhinzhou, e shoqëruar nga familjarët dhe policia.
Top Channel
