Qeveria kineze ka thirrur ambasadorin norvegjez në Pekin për të protestuar kundër dhënies së cmimit Nobël për Paqen disidentit Liu Xiaobo.
“Kanë dashur të shprehin zyrtarisht opinionin e tyre, kundërshtimin e tyre dhe protestën e tyre”, e ka komentuar ngjarjen ministri i Jashtëm norvegjez.
Ai ka theksuar se qeveria nuk është përgjegjëse për dhënien e cmimit disidentit, i cili aktualisht ndodhet në një burg të Kinës.
“Ky është një komitet i pavarur dhe është e nevojshme të vazhdojmë raportet e mira dypalëshe që kanë vendet tona”, ka shtuar ministri.
Ndërkohë, presidenti amerikan Barack Obama, pasi ka përshëndetur dhënien e cmimit disidentit Liu Xiaobo, i ka kërkuar Kinës që ta lirojë atë nga burgu.
Obama e ka cilësuar Liu si një zëdhënës kurajoz dhe elokuent për progresin e vlerave të njeriut përmes mjeteve paqësore dhe jo të dhunshme.
Gjithashtu, presidenti ka vlerësuar mbështetjen që disidenti i ka dhënë demokraicsë, të drejtave të njeriut dhe respektit të ligjit.
Vlerësime kanë ardhur edhe nga fituesi i Nobëlit për Paqen në 1983-shin, Lech Ëalesa, i cili është shprehur se cmimi i sotëm është një sfidë për Kinën.
Top Channel
