Elbasani ka fituar ndaj Skënderbeut në “Ruzhdi Bizhuta”, ndërkohë që Tirana vazhdon ngjitjen në klasifikimin e Superligës.
Elbasanasit e drejtuar nga Krenar Ahmeti kanë fituar minimalisht 1-0 ndaj korçarëve falë golit të Merxhës në pjesën e dytë.
Kjo është humbja e dytë për Skënderbeun në këto 5, javë duke mbetur në vendin e tretë me 9 pikë. 2 javë më parë korçarët e Muçës humbën 3-1 në Peqin.
Ka fituar edhe Tirana, këtë javë 2-0 ndaj Laçit në “Selman Stërmasi”. Në fundin e pjesës së parë Pero Pejiç kaloi bardheblutë në avantazh.
Edhe pse tentuan shumë në të dytën për të barazuar rezultatin, kurbinasit nuk e arritën këtë madje pësuan edhe golin e dytë nga Malindi.
Pas kësaj fitoreje, Tirana ngjitet në vendin e 4 me 8 pikë. Java e 5 e Superligës mbyllet me sfidën Shkumbini – Besa që do të luhet ditën e hënë në stadiumin e Peqinit.
Top Channel