Pas denoncimeve për ndotjen e rëndë të mjedisit që shkakton djegia e gomave në furrat,frontot dhe guroret e qytetit të Krujës, pronarët e këtyre bizneseve duket se kanë ndryshuar orarin e punës, duke kryer aktivitetin e tyre vetëm gjatë orëve të natës.
Pervec furrave dhe guroreve edhe kamionet qe transportojne lende drusore per keto biznese kane filluar te punojne naten. Mungesa e kontrolleve policore ne rruge ia lehteson akoma me shume punen ketyre transportuesve te cilet lenden drusore e marrin ne menyre te paligjshme ne pyjet e zones. Ne rrethinat e Krujes jane rreth 25 furra te prodhimit te gelqeres, te cilat ushtrojne aktivitet ne menyre ilegale. Ndaj ketyre bizneseve, me vendim gjykate ne vitet 2008,2009 jane vene gjoba, po asnje prej tyre nuk eshte paguar.
Madje sipas te dhenave nga Zyrat e Permbarimit, nuk kane munguar as denimet me burg per pronaret e ketyre furrave. Edhe pse prane bashkise se Krujes ekzistojne instrumentat si policia bashkiake apo Inspektoriati i Ndertimit, zyrtaret lokane thone se kane kerkuar ndihmen e Policise se Shtetit per mbylljen e ketyre furrave. Ditet e fundit ne terren eshte vene re prezenca e inspektoreve te mjedisit, po kjo nuk ka trembur pronaret e ketyre furrave, te cilet me aktivitetin e tyre vazhdojne te shkaktojne nje ndotje te rende mjedisore per gjithe banoret e Krujes dhe te zonave perreth.
Top Channel
