Partia Socialiste nis hartimin e strategjisë për sesionin e ri parlamentar. Deputetët e Tiranës dhe të Durrësit të spektrit të majtë janë takuar dje në selinë rozë me kreun e partisë, për të diskutuar strategjinë dhe linjën politike që do të ndjekë Partia Socialiste në sesionin parlamentar të dimrit.
Gjatë takimit të djeshëm mësohet se është folur për një plan sulmues të deputetëve të opozitës në Kuvend, por duke mbajtur padyshim në fuqi planin e protestave.
Forcimi i bazës
Lideri i opozitës ka takuar dje në mesditë dhe gjatë mbrëmjes deputetë të Qarkut të Tiranës dhe të Durrësit, ndërsa në ditët në vazhdim do të nisë takimet me të gjithë deputetët e 12 qarqeve të vendit.
Mësohet se kryesocialisti ka diskutuar me të zgjedhurit e qarkut më të madh në vend për natyrën e sezonit të ri politik dhe është dhënë udhëzimi që të jenë sa më pranë elektoratit të tyre, në mënyrë që kushdo qoftë aksioni politik i radhës i selisë rozë, përfshirë dhe protestat, të kenë mbështetjen e bazës.
Brenda kësaj jave, në selinë rozë do të mblidhen edhe deputetët e 12 qarqeve për t’u përgatitur për sesionin e ri parlamentar. Për ta mbajtur situatën të karikuar për fushatën elektorale të zgjedhjeve lokale, Partia Socialiste ka vendosur të shtojë edhe takimet me bazën. Kjo është një tjetër strategji e PS-së për të qëndruar në gatishmëri në rast se pakti Patozi-Ruçi për ngritjen e komisionit parlamentar hetimor për hetimin e materialeve zgjedhore dështon.
Strategjia e PS-së
Kryetari i Partisë Socialiste, Edi Rama, ka diskutuar dje me deputetët socialistë të Tiranës dhe Durrësit hartimin e strategjisë së partisë më të madhe opozitare për sesionin parlamentar të dimrit. Ekipi rozë është grumbulluar dje për të skicuar mënyrën se si do të zhvillohet veprimtaria parlamentare e Partisë Socialiste gjatë sesionit të ri kuvendor. Partia Socialiste synon gjithashtu edhe forcimin e kontakteve me bazën.
Gjatë kësaj mbledhjeje ka qenë vetë kryetari i PS-së që u ka kërkuar deputetëve të shtojnë takimet me bazën. Partia Socialiste ka filluar kohët e fundit një fushatë kundër korrupsionit, ku deri më sot ka vendosur me ‘shpatulla pas murit’ dy ministra dhe një ish-këshilltare të Kryeministrit, aktualisht deputete të PD-së.
Takimet
Burime pranë selisë rozë bëjnë me dije se kryetari i Partisë Socialiste ditët e fundit ka zhvilluar takime me disa nga diplomatët dhe ambasadorët më të rëndësishëm në Tiranë. Përpara se sesioni i ri kuvendor të nisë punimet, kryetari i PS-së ka planifikuar zhvillimin e takimeve me të 64 deputetët e Partisë Socialiste.
Ditën e djeshme ai është takuar me deputetët e Qarkut të Tiranës dhe Durrësit, ndërsa në ditët në vazhdim do të nisë turin e takimeve me deputetët e qarqeve të tjera për të përcaktuar strategjinë e PS-së. Partia Socialiste, në dy-tre ditët në vazhdim do të përcaktojë gjithashtu edhe linjën politike që do të ndjekë në Parlament, në rast se demokratët nuk do ta thyejnë paktin për transparencën dhe hetimin e zgjedhjeve të shkuara. Partia Socialiste është në pritje për të mbledhur gjithashtu edhe Asamblenë Kombëtare për të rinovuar përbërjen e
Top Channel
