Lindja e Mesme, Obama pret Netanyahu-n
01/09/2010 19:05
FOTO/ Tensionet në Lindjen e Mesme, qëllohet makina e ekipit të Top Channel në Izrael
05/10 23:01
Presidenti amerikan Barack Obama ka pritur në Shtëpinë e Bardhë kryeministrin izraelit Benyamin Netanyahu, duke hapur një seri takimesh dypalëshe.
Bisedimet synojnë të lehtësojnë hapjen e negociatave të paqes mes izraelitëve dhe palestinezëve, nesër në Uashington.
Obama do të presë gjithashtu në takime të ndara presidentin palestinez Mahmud Abaz, atë egjiptian Hosni Mubarak dhe mbretin e Jordanisë, Abdallah II.
Por përkundër këtyre tentativave ka ardhur një reagim i lëvizjes islamike të Hamas, e cila ka paralajmëruar se do të godasë sërish pas atentatit të djeshëm ndaj 4 kolonëve izraelitë.
“Celulat e fjetura po zgjohen dhe ky është vetëm fillimi. Do të godasim sërish, edhe brenda Izraelit, nëse Zoti dëshiron”, ka deklaruar Hamas.
Sipas saj, atentati i djeshëm në Bregun Perëndimor, i kryer nga krahu i armatosur Brigatat Kasam, ishte një mesazh për Abu Mazen dhe izraelitët.
Top Channel
