Rreth 60 persona janë shoqëruar në komisariatin e Shkodrës për t’u marrë në pyetje në lidhje me vrasjen e policit rrugor, Kol Ndreshaj.
Efektivi i policisë u ekzekutua një ditë më parë teksa kryente shërbimin në Malësinë e Madhe gjatë festës që u zhvillua ne fshatin Reç.
Shumica e të shoqëruarve janë persona që kanë marrë pjesë në këtë festë si dhe banorë të zonës.
Sipas policisë, nga hetimet e deritanishme dyshohet që polici të jetë ekzekutuar pas një sherri të çastit.
Autori e ka qëlluar efektivin me dy plumba, ndërsa trupi i pajetë i Ndreshajt është gjetur nga kalimtarë të rastit të cilët më pas kanë lajmëruar komisariatin.
Top Channel
