Mbi 700 persona të vdekur është bilanci i fundit i viktimave të rrëshqitjeve të tokës në veri-perëndim të Kinës, të shkaktuara nga përmbytjet më vdekjeprurëse të dekadës së fundit.
Ndërkohë, kërkimet vazhdojnë për më shumë se 1 mijë njerëz, të cilët konsiderohen ende persona të humbur.
Banesat u goditën nga një mur balte aq i fortë sa edhe ndërtesat 7 katëshe u shembën si të ishin letra, deklaron korrespondenti i BBC, Chris Hogg nga provinca Gansu.
Ai thotë se skuadrat e shpëtimit po kërkojnë me duar në rrënojat e shtëpive që ndodhen në rajonin e largët malor.
Një 52 vjecar u nxorr i gjallë nga rrënojat pasi kishte qëndruar i bllokuar për 50 orë rresht që pas katastrofës.
Autoritetet kineze deklarojnë se shenjat për mbijetesë janë shumë të pakta, ndërkohë që kryeministrin Wen Jiabao u ka bërë thirrje skuadrave që të vazhdojnë kërkimet deri sa të gjejnë të mbijetuarin e fundit.
Top Channel