Ka hyrë në ditën e tretë protesta e metalurgëve të firmës KURUM duke paralizuar kështu të gjithë punën në uzinë.
Ndonëse kësaj kompanie i janë shkaktuar dëme të mëdha financiare, drejtuesit nuk kanë pranuar që të ulen në tryezë për negociata me punëtorët duke e konsideruar protestën të jashtligjshme.
Situata është tensionuar mes palëve, por situata është qetësuar falë ndërhyrjes së policisë.
Ndërkohë drejtuesi i Konfederatës së Sindikatave Shqiptare, Kol Nikolla është shprehur se protesta është konform rregullave dhe nuk do të pushojë deri në zgjidhjen e problemeve.
“Greva është e ligjshme sepse sipas ligjit çdo pikë e tij është zbatuar nga sindikata”, është shprehur Nikolla.
“Institucionet bashkëpunojnë me pronarin dhe nuk bëjnë ekzaminimet e nevojshme. Kjo bëhet për t’i ardhur në ndihmë një personi që ka thyer ligjin”, theksoi Taf Koleci, kryetar i Federatës së Sindikatave.
Ditën e sotme pritet që në metalurgji të vinë përfaqësues nga Ministria e Punës për të gjetur një zgjidhje. Në rast të kundërt punëtorët do të hynë në grevë urie.
Top Channel