Presidenti rus Dmitry Medvedev ka shpallur gjëndjen e jashtëzakonshme në shtatë rajone të Rusisë për shkak të zjarreve masive që kanë rënë nga vala e nxehtësisë.
Numri i viktimave të shkaktuara nga zjarret është rritur në 40 të vdekur, kanë bërë të ditur burime pranë Ministrisë së Shëndetësisë.
Ndërkohë, Ministria e Emergjencave ka deklaruar se 500 vatra të reja zjarri janë zbuluar në 24 orë, por shumica e tyre janë shuar.
Në 14 rajone të Rusisë janë djegur shtëpitë e banorëve. Më i dëmtuari është Nizhni Novogorod, ku janë regjistruar dhe 19 nga 40 vdekjet.
Gjëndja e jashtëzakonshme u njoftua në një formë dekreti për të kufizuar aksesin publik në zonat e prekura nga zjarret.
Top Channel
