Athinë, kapet banda e drogës
02/08/2010 12:15
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Policia greke shpartalloi një bandë greko-shqiptare të trafikut të narkotikëve dhe sekuestroi 203 kilogramë kanabis.
Sipas policisë, operacioni u zhvillua në lagjen Marusi në parkingun e një qendre tregtare.
Në pranga përfunduan dy shtetas shqiptarë, 31 dhe 32 vjeç, si dhe dy shtetas grekë 39 dhe 44 vjeç, të cilët u kapën në flagrancë, në tentativë për t’i shitur agjentëve të policisë sasinë e lëndës narkotike kundrejt 1 mijë eurosh për kile.
Përveç sasisë së drogës u sekuestrua një pistoletë, një autoveturë që u shërbente për transportimin e lëndës narkotike dhe 600 euro.
Njeri prej të arrestuarve, shtetasi grek 44 vjeç është agjent policie.
Policia greke thotë se 44 vjeçari konsiderohet si kreu i grupit.
Drejtori i përgjithshëm i policisë greke, Lefteris Ikonomu urdhëroi shkarkimin e menjëhershëm të tij.
Anti-droga, prej katër muajsh po hetonte lidhur me aktivitetin e bandës.
Katër të arrestuarit dhe materialet në ngarkim të tyre iu dërguan gjykatës së Athinës e cila vendosi masën burg pa afat, deri në përfundimin e hetimeve.
Top Channel
