![](https://top-channel.tv/wp-content/uploads/2024/06/gruri_sd-1-800x450.jpg)
Kryetari i grupit kuvendor Gramoz Ruci deklaroi në fillim të seancës së sotme parlamentare se grupi i PS-së është i panformuar për projektligjin e SHISH, i futur në kalendar.
“Përfaqësues të mazhorancës na thanë se nuk do të kalojë ligji në këtë seancë. Në emër të opozitës kërkoj të hiqet nga kalendari ligji për SHISH-in”, tha Ruci, duke theksuar institucionet dhe partnerët e huaj janë të përbashkëta.
Ndërsa kreu i grupit demokrat Astrit Patozi shprehu keqardhjen për debatin që bëjnë palët për procedurë dhe jo për cështje më thelbësore, ndërsa theksoi ligji për SHISH-in është trajtuar në Komisionin e Sigurisë, por PS nuk ka marrë pjesë.
Ashtu sikurse deklaruan edhe më parë, përfaqësuesit e LSI-së theksuan se ky projektligj duhet të marrë më parë konsulencën e NATO-s.
“Eshtë e panevojshme që projektligji për SHISH të diskutohet sot pasi është nje hap i nxituar. Sot eshte nje dite e madhe, pasi Gjykata Ndërkombëtare e Drejtësisë jep vendimin për Kosovën. Ligji për SHISH duhet shtyrë në diskutimin e tij”, u shpreh zëvendëskryeministri, njëherazi ministri i Jashtëm, Ilir Meta.
Top Channel