Kosova në delir, qytetarët festojnë
22/07/2010 19:45
Shpallja e opinionit të Gjykatës Ndërkombëtare në Hagë ka krijuar eufori të menjëhereshme në Prishtinë.
Një reagim i pritshëm ky, pasi qëndrimi i Gjykatës Ndërkombëtare do të shënojë një faze të re në procesin e njohjes së shtetit të Kosovës.
Me makina dhe me flamuj qytetarët kanë lëvizur nëpër rrugët e kryeqytetit kosovar. “Kjo është dita më e lumtur e jetës sime. Jam shumë i emocionuar”, thotë një qytetar.
“Nuk ka pasur asgjë kundër të drejtës ndërkombëtare, e cila nuk mund të jetë kundër vullnetit të një populli”, thotë një tjetër.
“10 vota me 4! Tani s’ka gjë tjetër që na pengon në njohjen e mëtejshme të Kosovës”, shton një i moshuar.
Top Channel