Gjermania: Pavarësia, e pakontestueshme
22/07/2010 21:25
Ministri i Jashtëm i Gjermanisë, Guido Westerwelle ka deklaruar se Berlini zyrtar e ka mirëpritur mendimin këshillues të Gjykatës Ndërkombëtare të Drejtësisë mbi pavarësinë e Kosovës.
Westerwelle ka rikonfirmuar qëndrimin e Gjermanisë se pavarësia dhe integriteti territorial i Kosovës janë të pakontestueshme.
Duke theksuar se Kosova dhe Serbia e kanë të ardhmen në BE, shefi i diplomacisë gjermane ka kërkuar nga dy palët që të bashkëpunojnë për cështjet me interes të përbashkët.
“Prishtina dhe Beogradi të fokusohen në të ardhmen evropiane dhe të trajtojnë cështjet e përbashkëta në mënyrë konstruktive dhe pragmatike”, ka deklaruar Westerwelle.
Top Channel