Kosovë, qeveria: Keqardhje për Haradinaj
21/07/2010 18:50
Qeveria e Kosovës ka shprehur keqardhjen e saj për vendimin e Apelit të gjykatës së Hagës, që ktheu në burg kryetarin e AAK-së, Ramush Haradinaj.
Përmes një komunikate për shtyp, qeveria kosovare ka shprehur besimin e saj tek drejtësia ndërkombëtare dhe u ka bërë thirrje qytetarëve të Kosovës që të ruajnë qetësinë.
“Qeveria e Kosovës shpreh keqardhjen e saj për këtë vendim të gjykatës, por është e bindur se Haradinaj do të dëshmojë pafajësinë e tij, ashtu si në gjykimin e tij të mëparshëm”, thuhet në komunikatë.
Më tej qeveria mbështet luftën e zhvilluar nga UCK në fund të viteve 90, duke u shprehur se ajo respektoi të gjitha konventat ndërkombëtare të luftës.
Top Channel