Aksidenti, 8 të plagosur mbërrijnë në Tiranë
17/07/2010 19:45
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Spitali Ushtarak në kryeqytet është në gatishmërinë numër 1 për shkak të tragjedisë në Pukë dhe mjekët nga të gjitha repartet janë kthyer në detyrë.
Sipas informacioneve të fundit, bilanci i viktimave është 10 të vdekur dhe 12 të tjerë të plagosur, të cilët janë akomoduar në cadrat e ngritura në fshatin Gjegjan.
Ata do të transportohen të gjithë për në Spitalin Ushtarak të Tiranës, ku deri tani kanë mbërritur 8 persona, katër burra dhe katër të mitur.
Të plagosurit janë transportuar me helikopterët e Ministrisë së Shëndetësisë, si dhe me ata ushtarakë të Ministrisë së Mbrojtjes.
Ndërkohë, burime pranë policisë rrugore kanë bërë të ditur për Top Channel se shkak i aksidentit dyshohet të ketë qenë një defekt i autobuzit, ose zënia e gjumit të shoferit të tij.
Nga informacionet paraprake rezulton se të plagosurit janë rekuperuar të gjithë, por polumbarët e RENEA-s po vazhdojnë kërkimet në lumin Fan për t’u siguruar.
Top Channel
