Redlove, molla e parë tërësisht e kuqe
16/07/2010 16:30
Rekord në “Oscars”, filmi horror me Michael B. Jordan arrin numrin më të madh të nominimeve në histori 23/01 10:32
Për herë të parë tregjet europiane do nxjerrin në shitje një mollë që nuk është e kuqe vetëm nga jashtë por edhe në brendësi të saj.
Bëhet fjalë për varietetin Redlove, 100 % bio dhe pa asnjë modifikim. Ky frut madje është më i pasur me antioksidues dhe substanca ushqyese krahasuar me një mollë tradicionale. Edhe nëse Redlove gatuhet, ngjyra e saj nuk humbet, ndërsa rekomandohet për prodhimin e tortave. Në ndryshim nga mollët e tjera, Redlove dhuron edhe një aromë e shije më të thellë dhe origjinale.
Ky lloj fruti lindi pas shumë viteve studime nga një kultivues zvicerian i quajtur Markus Kobert. Ngjyra e kuqe në brendësi erdhi falë kryqëzimit me një varietet frutash dhe nuk është modifikuar gjenetikisht. Prodhimi në masë i kësaj molle do nisë brenda pak vitesh. Në Angli, kompania “Suttons” ka marrë të drejtën e mbjelljes së rrënjëve të para.
“Kjo është padyshim molla e parë e kuqe që prodhohet në botë. Ka një shije të jashtëzakonshme dhe nuk është e modifikuar gjenetikisht”, shprehet zëdhënësi i kompanisë Tom Sharples. Dy llojet e Redlove janë “Era” që do dalë në treg gjatë Krishtlindjes dhe “Sirena” që pritet të vonojë më shumë se një vit.
Top Channel
