Një cift të rinjsh italianë prenotuan biletat për në Sydney të Australisë por kur kanë zbritur nga shkallët e avionit e panë veten në një qytezë të Kanadasë në brigjet e Atlantikut me të njëjtin emër.
Gabimi i shoqërisë së udhëtimeve dhe historia e vecantë e të rinjve ka gjetur hapësirë të madhe në shtypin e dy vendeve. Fillimisht të rinjtë menduan se bëhej fjalë për një shaka por më pas morën vesh të vërtetën, duke prenotuar një tjetër udhëtim për në destinacionin e dëshiruar.
Gjatë ndalesës së qytezën e ishullit kanadez “Cape Breton” Valerio dhe Serena janë akomoduar në një hotel luksoz nga kompania e udhëtimeve, në pritje për t’u nisur drejt Australisë. Kjo nuk është hera e parë që Sydney i Kanadasë ngatërrohet me atë të Australisë pasi në vitin 2002 në ishullin e Atlantikut përfundoi një cift britanik, ndërsa dy vjet më parë një grua nga Argjentina.
Top Channel
