Telashe në horizont për trajnerin e Holandës në prag të ndeshjes gjysmëfinale kundër Uruguajit.
Bert Van Marwijk duhet të bëjë pa sulmuesin titullar Robin van Persie, i dëmtuar në përballjen me Brazilin. Ai vuan ende nga dhimbjet dhe mungesa e tij mund të kthehet në një problem të vërtetë për holandezët, të cilët nuk do kenë për shkak kartonash edhe De Jong e Van der Wiel.
Por “tulipanët” do kenë përballë një kundërshtar të përgjysmuar pasi edhe kapiteni i Uruguajit, Diego Lugano mund të mungojë për shkak të dëmtimit të pësuar kundër Ganës.
“Nëse nuk jam 100 % në formë nuk luaj. Kam kryer stërvitje në palestër por gjuri po më krijon probleme. Eshtë një situatë e komplikuar me të cilën duhet të përballem me qetësi edhe pse bëhet fjalë për gjysmëfinalen e botërorit. Në cdo rast këtu ka shumë lojtarë të mirë dhe kushdo që do zbresë në fushë do dijë si të luajë. Do tregojmë të gjitha cilësitë tona”, thekson Lugano.
Top Channel
