Talebanët: Nuk negociojmë me NATO-n
01/07/2010 09:20
Bombardimet në Liban, Izraeli konfirmon vrasjen e 15 pjesëtarëve të Hezbollahut 03/10 11:09
Guerrilasit talebanë në Afganistan kanë deklaruar se nuk bëhet fjalë që ata të hyjnë në negociata me forcat e NATO-s.
Reagimi i rebelëve vjen pasi komandantët amerikanë dhe kreu i ushtrisë britanike, gjenerali David Richards, sugjeruan se do të ishte e dobishme nisja e bisedimeve.
Deklarata e talebanëve është e papërkulur dhe pothuajse përbuzëse. Ata mendojnë se po e fitojnë luftën dhe nuk shohin asnjë arsye përse duhet të ndihmojnë forcat e NATO-s duke biseduar me to.
Ata mund të vlerësojnë, ndoshta gabimisht, se amerikanët janë në dizavantazh pas largimit të komandantit amerikan Stanley McChrystal javën e kaluar.
Talebanët janë të mendimit se kërkesa për negocim vjen si pasojë e dobësisë së forcave të NATO-s, që në qershor kanë pasur numrin më të lartë të vdekjeve, plot 102.
Top Channel
