Vizat, këtë vit udhërrëfyesi për Kosovën
17/06/2010 15:30
Dështon për herë të 42-të konstituimi i Kuvendit të Kosovës 05/07 21:43
Zyrtarët evropianë i kanë dhënë shpresë Kosovës se deri në fund të verës mund të marrë udhërrëfyesin për liberalizimin e vizave.
Lajmin e bëjnë të ditur mediat kosovare, sipas të cilave kryeministri Hashim Thaci ka marrë garanci nga komisioneri për Zgjerimin Shtefan Fyle, gjatë një takimi në Bruksel.
Gjatë takimit, Thaci i ka shprehur bashkëbiseduesit gatishmërinë e Kosovës për të marrë udhërrëfyesin për liberalizimin e vizave.
“Qeveria e Kosovës është e përgatitur dhe e gatshme për pranimin e udhërrëfyesit për heqjen e regjimit të vizave”, ka deklaruar Thaci.
Kreu i qeverisë kosovare ka theksuar më tej se vendi i tij ka ndërtuar marrëdhënie të mira me fqinjët, si Shqipërinë, Maqedoninë dhe Malin e Zi dhe ka shtuar se është i gatshëm të vendosë raporte edhe me Serbinë.
Ndër të tjera, Thaci ka dhënë garancinë se qeveria e tij është e angazhuar të punojë edhe për sundimin e rendit dhe ligjit në Kosovë.
Top Channel
