Kisha serbe: Nuk duam ruajtje nga policia e Kosovës
11/06/2010 10:30
Peshkopi serb Teodosije thotë se Kisha ortodokse serbe kundërshton vendosmërinë e KFOR-it që Policia e Kosovës të sigurojë mbrojtjen e kishave dhe manastireve serbe, duke thënë se nuk ka besim në policët e Kosovës.
Në një letër të komandantit të KFOR-it Markus Bentler dërguar peshkopit të Lipjanit Teodosije, ai ka përsëritur vendosmërinë që sigurinë e manastirit të Goriçit në Istog dhe Budisavc të Klinës në vend të ushtarëve të KFOR-it ta marrin përsipër pjesëtarët e policisë së Kosovës.
Teodosije në një intervistë për gazetën “Politika” thotë se përvojat nga viti 2004 me Policinë e Kosovës “nuk janë aspak të mira”, sepse sipas tij nuk kishin penguar shkatërrimin e kulteve serbe.
Top Channel