Kryeministri britanik David Cameron ka mbërritur në Afganistan, duke bërë kështu një vizitë surprizë, të paparalajmëruar.
Bëhet fjalë për udhëtimin e parë të Cameron në këtë vend që prej zgjedhjes së tij në muajin maj.
Në një konferencë për shtyp në Kabul, Cameron tha se cështja e Afganistanit është prioriteti numër 1 i tij.
Ai bëri të ditur se 67 milionë paund shtesë do t’u sigurohet trupave britanike, për të luftuar kërcënimin e bombave artizanale që vendosen anës rrugës.
Gjithashtu, shuma të tjera do të jepen për trajnimin e ushtrisë dhe policisë afgane, ka siguruar Cameron presidentin afgan Hamid Karzai.
“Afganistani ka qenë cështja më e rëndësishme e politikës së jashtme të qeverisë së Mbretërisë së Bashkuar”, ka deklaruar Cameron.
Muajin e kaluar ai u takua me Karzain në Londër dhe të dy u shprehën se donin të përforconin më tej marrëdhëniet mes dy vendeve.
Top Channel