Një grup indigjenësh në Bolivi ka dorëzuar trupat e pajetë të katër policëve, 12 ditë pasi i kishin vrarë ata.
Anëtarë të të ashtuquajturit Klani i Luftëtarit ua kthyen trupat të afërmve të viktimave, pasi kërkuan që akuzat ndaj tyre të mos mbeten në fuqi.
Indigjenët akuzuan agjentët e policisë, të cilët po punonin për të parandaluar vjedhjen e makinave, për zhvatje. Zona në provincën e Potosit është e njohur për kontrabandën e makinave me Kilin fqinj.
Megjithëse Klani i Luftëtarit mori një premtim me shkrim se ndaj tij nuk do të ngrihen akuza, prokurorët deklarojnë se do të bëjnë një hetim për vrasjet.
Top Channel
