Tani që rruga Rrëshen-Kalimash ka përfunduar së ndërtuari, duke lënë disa pjesë teknike të njërit tunel që hapet në shtator, qeverisë i duhet të bëjë llogaritë për mirëmbajtjen e saj.
Rruga është tërësisht funksionale për të përballuar fluksin e turistëve, si dhe mjeteve të rënda të transportit për qëllime tregtie, për pasojë amortizimi i saj do të krijojë kosto shtesë për buxhetin e Drejtorisë së Përgjithshme të Rrugëve.
“Shqip” ka mësuar tri variantet që po shqyrton aktualisht Ministria e Transporteve lidhur me mirëmbajtjen e rrugës, rreth 60 kilometra e gjatë.
E para flet për një kompani private, e kontraktuar nga qeveria (PPP-Partneritet Publik Privat), e cila me paratë e buxhetit do të mirëmbajë rrugën kundrejt një fitimi.
E dyta shihet si mundësi me forcat e veta, pra qeveria shqiptare të mobilizojë drejtoritë rajonale të rrugëve që prekin segmentin (sikurse veprohet sot) dhe po nga buxheti i shtetit, të bëhet e mundur mirëmbajtja.
Kurse e treta, më e debatueshme dhe më e realizuar, është dhënia me koncesion, pra vendosja e tarifës për kalimin e rrugës, të ardhurat e së cilës do të menaxhohen nga kompania private që do mirëmbajë tunelin dhe pjesët e tjera të segmentit.
Nëse qeveria vendos aplikimin e skemës me koncesion, i duhet të bëjë të tjera llogaritje mbi nivelin e tarifës.
Top Channel
