Ngjela: BE, ultimatum Berishes

Duke folur ne emisionin “Shqip” ne Top Channel, Ngjela ka akuzuar kryeministrin Berisha se ka dashur ta diskretitoje ate, por nuk ia ka arritur qellimin pasi nderkombetaret i dhane te drejte opozites.

“Greva kishte nje karakter thellesisht politik. Brenda saj kishte nje risk shume te madh sepse drejtohej kunder nje regjimi taleban, qe nuk respekton te drejtat e njeriut. Ai donte te bindte opinionin publik evropian qe forcat e shendosha ne nje demokraci nuk bejne te tilla greva, por nuk ia doli dot. Evropianet e konsiderojne shume te rende perplasjen me nje greve urie, mund te kishte viktima dhe keta i tremb shume sakrifica. Sa me barbare te jene regjimet, aq me shume i tremb sakrifica”, ka pohuar Ngjela.

Sipas tij, mazhoranca e ka humbur betejen dhe kutite do hapen pasi kete gje e kerkoi faktori nderkombetar dhe nuk e pengon as Kushtetuta, e cila nuk parashikon djegien e materialeve te votimit.

“Ceshtja eshte thellesisht politike. Kush fitoi? Keta qe flasin si papagaj kane humbur. Ne tryezen e Strasburgut perfaqesuesi i opozites ka mbajtur nje qendrim dinjitoz. Te gjithe kuptuan qe ketu ka manipulim zgjedhor dhe nuk e ndryshuan draftin e tyre. Rama e pranoi, ndersa Berishes iu vu nje ultimatum dyjavor”, ka shtuar Ngjela.

Top Channel