Bisedimet maratone ne Strasburg vijojne ende dhe mesohet se restoranti tashme i famshem edhe per opinionin publik shqiptar “Crocodile” do te qendroje ende i hapur per personat e “ngujuar” ne sallonin e izoluar te katit te dyte te nderteses, ku jane futur prej ores 20:45 te se enjtes.
Nje pushim te shkurter nga keto negociata kane bere drejtori per Ballkanin Pier Mirel dhe komisioneri per Zgjerimin, Shtefan Fyle.
Burime diplomatike, te cilave u referohet gazetarja e Top Channel ne Strasburg, thone se ende nuk eshte arritur nje kompromis, ndersa flitet per nje takim te ri, pas dy javesh.
Duket se perfaqesuesit nderkombetare e kane patur te veshtire te bejne ne nje mendje kryeministrin Berisha dhe kreun e opozites Edi Rama. Megjithate sipas informacioneve palet kane pranuar qe te kete nje hetim te materialeve zgjedhore, por problemi eshte hasur ne ceshtjen se kujt do t’i kerkohet mendimi per te hapur kutite.
E gjithe kjo situate e krijuar, jo vetem qe demton imazhin e Shqiperise, por rrezikon edhe bllokimin e proceseve integruese te saj ne Bashkimin Evropian.
Top Channel
