Kriza, Papandreu: Objektivi ynë, mbijetesa
30/04/2010 11:15
Kryeministri i Greqisë, Jorgo Papandreu ka folur sot në Parlamentin helen mbi bisedimet me Bashkimin Evropian dhe FMN-në për planin e ndihmave.
“Objektivi i Greqisë është mbijetesa e saj si komb”, ka deklaruar Papandreu, duke lënë të nënkuptohet se situata ekonomike është shumë e zymtë.
Ndërkohë, mediat ndërkombëtare njoftojnë se marrëveshja është pranë arritjes. Ajo parashikon një ndihmë për Greqinë në këmbim të reformave ekonomike nga qeveria e këtij vendi.
Plani i ndihmave do të diskutohet edhe ditën e shtunë në pallatin Elize, në Paris, mes presidentit francez Nicolas Sarkozy dhe ministres franceze të Financave, Christine Lagarde.
Top Channel