Kouchner: Serbia, jo në BE me Kosovën
30/04/2010 11:05
“Rikthehet” Gjukanovic, partia e tij fiton në Podgoricë, zbrapsen pro-serbët
30/09 14:28
Ministri i Jashtëm francez, Bernard Kouchner ka deklaruar se nuk ka kushte për integrimin e Serbisë në BE, por ky vend nuk mund të anëtarësohet duke trajtuar Kosovën si problem të brendshëm të tij.
Në një intervistë për të përditshmen serbe “Vecernje Novosti”, Kouchner i ka bërë thirrje Prishtinës dhe Beogradit që të bashkëpunojnë pasi një ditë të dyja vendet do të jenë pjesë e BE-së.
I pyetur nëse mund të gjendet një zgjidhje për pjesëmarrjen e Kosovës dhe Serbisë në konferencat ndërkombëtare, shefi i diplomacisë franceze ka bërë të ditur se Parisi zyrtar është i angazhuar për këtë, por ka nënvizuar se nuk mund të japë garanci.
“Ky është një proces i gjatë. Bëhet fjalë për breza të tërë, për përplasje që kanë zgjatur me shekuj. Kjo është një cështje shumë e ndjeshme prandaj dhe i kuptoj shumë mirë si serbët, ashtu edhe shqiptarët”, ka shtuar Kouchner.
Top Channel
