Deputetët socialistë Fatmir Toci dhe Namik Dokle kanë shkuar në qytezën e Orikumit në mbështetje të banorëve që protestojnë për pronat.
Në takimin e zhvilluar me ta, deputetët thanë se protestat bëhen edhe për kushtet e vështira ekonomike dhe i bënë thirrje banorëve që në 30 prill të marrin pjesë në protestën që do zhvillohet në kryeqytet.
Ata deklaruan se Partia Socialiste me ardhjen në pushtet do të zgjidhë cështjen e tokave.
Në fund të takimit, protestuesit së bashku me deputetët Dokle dhe Toci kanë bllokuar rrugën automobilistike.
Edhe në qytetin e Sarandës është zhvilluar një protestë para ambjenteve të bashkisë së qytetit.
Në fillim të protestës pjesmarrësit patën edhe një konfrontim me policinë, e cila nuk lejonte mbajtjen e kësaj proteste. Edhe në këtë takim është vënë theksi te shqetësimi për vjedhjen e tokave në bregdet.
Top Channel
