Berat projekt studimi për qendrën e qytetit
25/04/2010 08:35
Pushimet në shtator! Të huajt vijnë më shumë, por qëndrojnë më pak
21/09 12:15
Prezantohen dy projekt studime për qendrën e qytetit të Beratit nga një grup arkitektësh italianë.
Kryetari i Bashkisë së Fermos, në Itali, Saturnino Di Ruschio, zhvilloi gjatë kësaj fundjave një vizitë në qytetin e Beratit, qëllimi kryesor i së cilës ka qenë prezantimi i projektit për qendrën e qytetit, projekt ky që po hartohet nga specialistët më të mirë të kësaj bashkie.
Studimet e paraqitura nga arkitektët italianë për sheshin e qendrës së qytetit, do të shoqërohen me konsultime të hapura me specialistë të fushave në kuadrin e hartimit të planit të përgjithshëm rregullues të qytetit.
Kryetari i Bashkisë së Beratit, Fadil Nasufi, mirëpriti kontributin e studiove italiane për hartimin e dy varianteve për studimin e sheshit të qendrës dhe siguroi se marrëdhëniet e bashkëpunimit do të vazhdojnë edhe për shkëmbimet kulturore, rritjen e kapaciteteve trajnuese për stafin e bashkisë etj.
Top Channel
