Sheshi, Berisha: Olldashi të takojë Ramën
21/04/2010 11:30
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Kryeministri Sali Berisha i kërkoi sot në mbledhje të qeverisë ministrit të Transporteve Sokol Olldashi që të takojë kryebashkiakun Edi Rama për cështjen e sheshit “Skënderbej”.
Shefi i qeverisë theksoi se cështja e sheshit duhet të trajtohet në mënyrën më serioze, ndërsa njoftoi se emiri i Kuvajtit ka dyfishuar fondin për këtë projekt.
Berisha theksoi se gjatë qëndrimit në Bruksel është takuar me grupin e arkitektëve belgë, me të cilët ka ndarë shqetësimin për problemin e trafikut dhe të objekteve të planifikuara për t’u ngritur që nuk janë fare të përshtatshme për këtë pjesë të qytetit.
“Projekti i ri rrezikon të zhysë në një kaos total qarkullimin e trafikut në Tiranë. Eksperimenti i parë që bëri Rama sot krijoi një bllokim të përgjithshëm për lëvizjen e njerëzve”, u shpreh Berisha.
Top Channel
