Tetë aktivistë të Kryqit të Kuq Ndërkombëtarë u morën peng prej një grupi rebelësh të armatosur në Kongo.
Lajmi njoftohet nga organizata ndërkombëtare prezente në shtetin afrikan. Sipas këtyre burimeve pengjet u rrëmbyen në provincën e Kivos jugore.
Punëtorët e Kryqit të Kuq Ndërkombëtar mësohet se janë marrë peng në momentin kur ata po futeshin në bazën e tyre. Ata janë transportuar menjëherë në Kasakua, qytet rreth 250 kilometra larg kryeqendrës provinciale Bukavu.
Ende nuk dihet nëse rrëmbyesit kanë kërkuar ndonjë shpërblim për lirimin e tyre.
Top Channel
