Ashtu siç edhe është folur që në fillim të vitit, edhe mjekët e qendrës më të madhe spitalore në vend, do të marrin shpërblime krahas pagës mujore.
Bëhet fjalë për punonjësit e spitalit “Nënë Tereza”. Pagesa do të jetë në bazë të angazhimit në punë, në bazë të fondeve të grumbulluara nga çdo shërbim, në “qesen” e të ardhurave dytësore, si dhe duke pasur parasysh mbingarkesën në punë.
Ata të cilët do të vendosin për masën e shpërblimit për punonjësit e qendrës spitalore universitare “Nënë Tereza” do të jenë shefat e shërbimeve.
Ndërkohë që shpërblimi për ta është vendosur se sa do të jetë.
Krerët e shërbimeve dhe pavijoneve do të marrin shpërblim 20 për qind të pagës bazë, që tërheqin çdo muaj në llogaritë e tyre.
Të ardhurat dytësore të spitalit, sipas ligjit, mund të përdoren për aktivitete, shpërblime, blerje apo restaurime që i nevojiten çdo sektori.
Top Channel