Dy protesta janë zhvilluar në qarkun e Beratit. E para në Skrapar e drejtuar nga deputeti socialist Fidel Ylli dhe e dyta në Berat.
Në orën 11:00 të paradites, socialistet e Skraparit janë grumbulluar para bashkisë së qytetit, ndërsa një orë me pas në sheshin para stadiumit “Tomorri” ishin socialistët e Beratit.
Heqja e fondit për ndërtimin e një tregu nga ana e qeverisë, pasi fondi u kalua për qarkun e Shkodrës, ka bërë që socialistët ta zhvillojnë protestën e tyre pikërishtë përpara këtij tregu ambulant. Ndërsa deputeti Erjon Braçe u shpreh në fjalën e tij se Sali Berisha ditën e enjte në Parlamentin e Shqipërisë tha që ekonomia e këtij vendi është në lulëzim, madje tha që ekonomia e ka kaluar krizën.
“Unë doja t’ju pyesja juve a e ndieni entuziazmin e ekonomisë në xhepat tuaja, në familjet tuaja?”, u shpreh Braçe. Në fund të kësaj proteste nuk kanë munguar as incidentet pasi dy persona janë grindur me njëri tjetrin duke mos kursyer as grushtat.
Top Channel
