Protestat anti-qeveritare në Kirgizstan kanë degjeneruar në dhunë të ashpër, me 17 persona të vrarë gjatë përleshjeve me policinë në kryeqytetin Bishkek.
Protestuesit kanë sulmuar zyrat e presidentit Kurmanbek Bakiyev dhe ato të radiotelevizionit publik, duke shkaktuar ndërprerjen e transmetimit.
Raportohet se policia ka hapur zjarr pasi nuk arriti ta shpërndante turmën me gaz lotësjellës.
Presidenti Bakiyev ka shpallur gjendjen e jashtëzakonshme në zonat e prekura nga protestat, që nisën ditën e martë në qytetin provincial të Talasit.
Top Channel
