Kryeministri Sali Berisha në një konferencë të përbashkët për shtyp me homologun estonez Andrus Ansip, deklaroi se ka marrë garancinë për mbështetje në integrimin e Shqipërisë, në Bashkimin Europian.
Berisha theksoi se me Ansip është diskutuar për intensifikimin e marrëdhënieve në të gjitha fushat, sidomos në sektorin ekonomik, duke inkurajuar investimet estoneze ne Shqiperi.
Nga ana e tij Ansip theksoi se ka shumë vend për përmirësime në sektorin e biznesit, duke shpresuar në një bashkëpunim në këtë fushë.
Duke folur për integrimin në BE, Ansip ofroi mbështetje, ndarje eksperience dhe përvoje për Shqipërinë. Po ashtu Ansip shprehu mbështetje për procesin e liberalizimit të vizave, duke vënë theksin në realizimin e reformave të mëdha.
Top Channel
