Mbrëmjen e djeshme në rrugën Skelë-Uji i ftohtë, në afërsi të Shkollës së Marinës, një automjet tip Honda me targa VL 0051 C, si pasojë e shpejtësisë së lartë ka përfunduar në det.
Vetëm një mrekulli ka bërë që dy të rinjtë që ndodheshin brenda automjetit, të shpetonin gjallë nga ky aksident që fatmirësisht përfundoi pa viktima. Dy të rinjtë ndodhen jashtë rrezikut për jetën, por kanë marrë plagë të lehta në trup.
“Asnjë nga kalimtarët nuk është goditur nga kjo manovër e gabuar, e cila mund të kishte qenë fatale”, thotë Policia Rrugore e Vlores që u ndodh menjëherë në vendngjarje. Ditët e fundit, në Vlorë trafiku eshte renduar tej mase, gjithashtu dhe aksidentet kanë qënë edhe më të shpeshta.
“Shpetjesia tej normave dhe drejtimi i gabuar i automjetit sjellin këto pasoja”, thonë specialistët rrugorë.
Top Channel
