Kapercimi i ngerçit politik eshte thelbesor qe Shqiperia te vijoje te beje progres ne zbatimin e axhendes ambicioze te reformave, deklaroi dje, gjate vizites se tij ne Tirane, i derguari i posaçem i kryetarit te radhes te OSBE-se, zevendesministri i Puneve te Jashtme te Kazakistanit, Konstantin Zhigalov.
“Ne i njohim perparimet e bera nga Shqiperia ne realizimin e reformave demokratike. Klima e bashkepunimit e vendosur ne te kaluaren mes qeverise dhe opozites ka kontribuar ne sukseset e rendesishme te arritura ne kete drejtim”, tha ai.
Zhigalov mirepriti vendimin e Partise Socialiste per te hyre ne Kuvend dhe shprehu shpresen se kjo do t’i hapte rruge zhvillimit te debateve te ardhshme politike brenda Parlamentit.
Ai nenvizoi se OSBE-ja qendron e gatshme te mbeshtese perpjekjet e partive politike te Shqiperise per dialog politik.
“Gjithsesi, pergjegjesia per te zgjidhur situaten e tanishme, ne fund te fundit, bie mbi aktoret kombetare”, u shpreh ai.
Ne takimin e zhvilluar me kryetarin e Partise Socialiste, Edi Rama, ekipi i OSBE ka bere thirrje per gjetjen e nje gjuhe te perbashket, e cila do te mbyllte krizen e gjate politike qe pasoi perfundimin e zgjedhjeve te 28 qershorit 2009.
Top Channel
