Ambasadori spanjoll ne Tirane, Manuel Montobio, vendi i te cilit kryeson presidencen e radhes te BE, i ka bere thirrje klases politike shqiptare qe te tejkaloje mosmarreveshjet.
Duke folur ne mbledhjen e Komisionit te stabilizim-asociimit, diplomati spanjoll ka theksuar se vendi duhet te fokusohet ne sfidat qe ka perpara ne rrugen drejt BE-se.
“Mosmarreveshjet politike duhet te tejkalohen. Kjo eshte pika e nisjes per Shqiperine. Tani duhet te fokusohemi ne sfidat e BE-se”, ka deklaruar Montobio.
I pranishem ne kete mbledhje ka qene edhe kreu i Drejtorise se Zgjerimit ne KE, Zhan Pierr Mirel, i cili ka bere te njejtin apel. Mirel ka theksuar se roli i Kuvendit eshte thelbesor per progresin e vendit.
“Te tejkalohen mosmarreveshjet politike, te cilat kane demtuar progreset e Shqiperise. Ne mirepresim kthimin e deputeteve te PS ne Parlament dhe ajo c’ka eshte e rendesishme ne ditet ne vazhdim eshte qe te sigurohet se do kete nje qendrim konstruktiv te Parlamentit”, ka pohuar Mirel.
Ai ka shtuar me tej se arritja e konsensusit politik mes partive eshte thelbesore per ecjen perpara te vendit ne rrugen e integrimit ne Bashkimin Evropian.
“Konsensusi politik eshte absolutisht thelbesor. Konsensusi politik mes partive dhe mes forcave ekonomike eshte jetik per anetaresimin ne BE”, ka shtuar Mirel.
Top Channel
