Kriza ekonomiko-financiare ulet kembekryq duke u reflektuar dhe ne volumin e perpunimit te mallrave ne portin me te madh te vendit, ne Durres.
Kriza duket se ka prekur ndjeshem sektorin e ndertimit ne vend dhe jo vetem ate. Kete e deshmojne jo vetem ata qe operojne ne kete sektor, por edhe ulja e sasise se mallrave te importuara.
Aktualisht ne port po perpunohen qepe, patate dhe çimento. Kriza eshte ndier qe gjate vitit te kaluar dhe eshte pasqyruar edhe ne plan-biznesin e portit detar.
Parashikimet ne importe ngelen ne nivelet e atyre te vitit te kaluar, madje diçka me pak. Rritje jane parashikuar vetem ne importin me kontejnere, por statistikat krahasuese ne pergjithesi flasin per renie te mallrave te importuara.
Keshtu, megjithese gjate janarit te ketij viti ka pasur rritje te mallrave te importuara me kontejnere ne total jane perpunuar 123 530 tone mallra, nga 150 534 tone te importuara ne janar te vitit te kaluar.
Nuk eshte me rastesi qe kalatat portuale te jene te boshatisura. Asnje anije ne perpunim nuk duket ne to.
Ne Portin Detar te Durresit dje ishin te ankoruara vetem dy anije te ngarkuara njera me çimento dhe tjetra me patate e qepe, ndersa tre te tjera ishin bosh.
Top Channel
