OSSH: Do kompensojme faturat

Vlera e shtuar mbi faturat do t’u zbritet konsumatoreve ne faturat e muajit mars ose prill, tha Jozef Hejsek, drejtori i pergjithshem i OSSH.

“Kemi filluar kontrollet per te zbuluar rastet e abuzimit gjate faturimit,nga kontrollet e deritanishme qe kemi bere per vitin 2009 kemi zbuluar disa raste shkeljesh gjate faturimit qe shkojne ne 105 milione leke. Te gjitha keto raste do vertetohen nje per nje dhe shuma e mbifaturuar do t’u zbritet konsumatoreve ne faturat e muajit mars ose prill. Gjithashtu do te rishikojme  faturat e janarit dhe ditet e muajit dhjetor do rillogariten me cmimet e dhjetorit dhe jo me ato te rritura ,edhe keto para do t’u kompesohen konsumatoreve ne mars ose prill”, u shpreh Hejsek.

Por sipas perfaqesuesve te CEZ nuk eshte vetem faturimi abuziv shkaktari i vlerave te konsiderueshme te faturave per muajt e pare te ketij viti. Sipas CEZ per keto muaj eshte rritur konsumi i energjise elektrike.

“Konsumi i energjise elektrike eshte rritur ne keto 3-4 muaj me rreth 30 %. Ne Shqiperi format e tjera te energjise qe perdoren per ngrohje apo gatim jane shume pak te perdorshme,pra keto fatura kaqe te shtrenjta nuk jane pasoje vetem e faturimit abuziv apo rritjes se cmimit”, theksuan drejtues te CEZ.

Nga kontrollet e deritanishme te OSSH jane zbuluar edhe 5300 raste vjedhjesh te energjise nga konsumatoret, ne nje vlere prej 235 milione  lekesh. CEZ deklaroi se ne Shqiperi aplikohet nje sistem i keq faturimi qe fillon nga problemet me pajisjet matese te energjise e deri te punonjesit qe bejne faturimin. Sipas CEZ ne janar te 2012 ne Shqiperi do te aplikohet nje sistem teresisht i rinovuar matjeje.

Top Channel