Greqi, reagime te forta pas masave

04/03/2010 17:20

E shokuar eshte sot e gjithe Greqia dhe kjo fjale perfshihet ne te gjitha te perditshmet greke qe qarkullojne sot dhe karakterizojne me kete menyre masat e marra dje nga qeveria e Papandreu.

I menjehershem ka qene reagimi i qytetareve te cilet deklarojne se nuk do te pranojne ne asnje menyre keto reduktime te te ardhurave te tyre qe nuk ka nderrmare asnje qeveri ne 65 vitet e fundit.

Prej oreve te para te mengjesit militante te Partise Komuniste kane hyre me force ne ambientet e Ministrise se Financave duke varur edhe nje pankarte te madhe ne fasaden e saj ku ftonin te gjithe popullin te protestoje per keto masa. Nje grup prej 50 vetesh kane hyre edhe ne ambientet e televizionit shteteror ERT3 ne Selanik duke kerkuar te lexojne nje deklarate ne edicionin e lajmeve qe transmetohej direkt ne ate ore.

Dy sindikatat me te medha te vendit ajo e nenpunesve te sektorit shteteror dhe te atij privat diskutojne per nje greve te pergjithshme ne daten 11 mars. Shume sheshe te kryeqytetit grek jane kthyer sot ne vende tubimesh proteste, ndersa anetaret e Partise Komuniste protestojne ne mitingje te vecanta ne 62 qytete te vendit.

Neser ne oren kur do te votohet projektligji i masave financiare ne parlament do te kete ndalim pune ne gjithe Greqine per disa ore. Ndersa greve 24 oreshe kane shpallur po per neser, sindikatat e mesuesve si dhe mjeket dhe personeli spitalor. Diten e hene do te zhvillojne greve dy ditore tatimtaksat.

Top Channel