Banoret e fshatit Domje te Komunes Gurre, ne Rrethin e Matit, akuzojne komunen se ka abuzuar me fondet e akorduara per ndertimin e ures qe lidh fshatin e tyre me rrugen nacionale.
Sipas banoreve te zones, fondi prej 7.5 milione lekesh, dhene nga qeveria shqiptare, per ndertimin e kesaj ure eshte shperdoruar nga firma ndertuese. Sipas tyre, abuzimi eshte kryer me miratimin e komunes, e cila si autoriteti kontraktor i ketij investimi, nuk duhej ta lejonte nje gje te tille.
“Ne ndertimin e ures te fshatit tone nuk jane zbatuar te gjithe zerat sipas preventivit. Pasi punimet anesore jane bere me kavot e vjetra te ish-ures ekzistuese te amortizuar dhe jo me kavo te reja sipas preventivit te hartuar per ndertimin e saj”, thote kryeplaku i fshatit, Flamur Lleshi. Banoret shprehen se ndjehen te rrezikuar, pasi ura me gjatesi mbi 100 metra, nuk ka rrjete mbrojtese anesore.
Kjo gje sipas tyre rrezikon jo vetem automjetet, por sidomos kalimin e femijeve, te cilet e pershkruajne cdo dite per te shkuar ne shkolle. Nderkohe, Bajram Pjetri, banor i ketij fshati, i cili ka qene i punesuar nga firma tenderuese per ndertimin e kesaj ure, tregon per “Shqip”, se kur ka kerkuar prane firmes vendosjen e rrjetes anesore dhe kavove me te trasha sipas projektit te zbatimit dhe jo atyre te vjetrave, eshte pushuar nga puna.
“Madje, firma nuk me ka paguar per punen qe kam bere deri ne momentin qe me pushuan. Nga 16 tiranta qe ka ura gjithsej, vetem 8 prej tyre jane te reja, ndersa per 8 te tjerat jane perdorur kavot e vjetra”, tregon ai. Me tej, kryeplaku i fshatit, tregon se ka kontaktuar me drejtuesit e komunes Gurre. “Une u kam sugjeruar qe kavot e vjetra mund t’i perdorim per ndertimin e ndonje ure tjeter, qe mund te nevojitet ne territorin e komunes tone dhe jo te perdoren per ndertimin e kesaj ure. Por, duket se komuna u be pale ne korrupsion me firmen tenderuese, pasi sugjerimet e mia rane ne “vesh te shurdhet”, ku sic dhe shihet ne 50 per qind te rasteve u perdoren kavot e vjetra per ndertimin e ures”, nenvizon kryeplaku.
Sipas kryeplakut te fshatit, punimet anesore te ures jane bere me kavot e vjetra te ish-ures ekzistuese te amortizuar. Sipas tij nuk jane perdorur kavo te reja, sipas preventivit te hartuar per ndertimin e ures
Top Channel
