Ruci sfide Berishes: Te hapim vetem kutine e Ruzhdies
25/02/2010 17:50
Politika shqiptare uron besimtarët myslimanë për Kurban Bajramin 06/06 08:55
Kryetari i Asamblese Kombetare te Partise Socialiste, Gramoz Ruci deklaroi se opozita ndodhet ne parlament per t’i dhene shans mazhorances per t’i dhene zgjidhje ceshtjes se kutive dhe transperences se plote te procesit zgjedhor.
“Ne nuk kemi ardhur te marrim pushtetin, por per t’ju kerkuar te mos na mohoni te drejten kushtetuese te hetojme plotesisht dhe hollesisht zgjedhjet, padyshim duke hapur kutite”, u shpreh Ruci.
Deputeti socialist theksoi se opozita nuk kerkon te merret me vendimet e gjykatave, por Ruci i beri nje sfide publike kryeministrit Sali Berisha, lidhur me pretendimin e ketij te fundit per kutine e Ruzhdies ne qarkun e Fierit. Pikerisht per kete kuti per te cilen gjykata ka dhene vendim, Partia Demokratike ka deklaruar se ka humbur nje mandat.
“Neve na mjafton vetem transparenca e kutise se Ruzhdies per t’u terhequr nga fusha e kesaj beteje. Ta sjellim dhe ta hapim ketu, para syve te publikut per te vazhduar punen tone me tej. Nese vertetohet se ne nuk kemi te drejte, atehere une jo vetem qe kerkoj ndjese publike, por jap doreheqjen bashke me 8 deputetet e qarkut te Fierit”, u shpreh Ruci.
Deputeti socialist theksoi se opozita nuk mund te rrije bashke ne nje salle me mazhorancen duke mbyllur syte para te vertetes, pa u zbardhur procesi zgjedhor, qe po shenon nje tradite te shemtuar dhe qe duhet te marre fund.
Top Channel
