Permbytjet, banoret te pasigurt per demshperblimet
21/02/2010 08:40
Politika shqiptare uron besimtarët myslimanë për Kurban Bajramin 06/06 08:55
Banoret e zones se Nenshkodres vazhdojne te jene skeptike per vleren e demit qe qeveria do u jape si kompensim per demet e shkaktuara nga permbytjet e fillimvitit.
Dy dite me pare, kreu i qarkut deklaroi se “nuk eshte e vertete se cdo familje do te marre nga 1 mije euro. Cdo familje do marre aq leke sa i takon, aq leke sa dem u eshte bere. Ajo qe une deklarova pak dite me pare eshte keqkuptuar, pasi shifra prej 1 mije eurosh ka qene thjesht nje perpjesetim i shumes totale me numrin e familjeve te demtuara qe ishte nje koincidence”.
Por me gjithe deklaratat e kryetarit te Qarkut Shkoder, banoret nuk kane siguri per marrjen e demit qe u eshte shkaktuar nga fatkeqesia natyrore. Nje nga banoret e zones se Obotit, Mark Kola, thote: “Nuk po merren vesh se cfare po thone. Disa thone se do merrni vetem 1 mije euro, disa thone se do merrni gjithe demin, te tjere se leket do te merren shume vone. Nuk dime kujt t’i besojme, per vete di te them se me eshte bere nje dem prej 12 mije eurosh ne bageti, bujqesi, orendi elektroshtepiake dhe sot qe flas ende nuk kam marre asnje leke. Nese do na japin vetem 1 mije euro me mire te mos mi japin fare. Me keto qe po degjojme kam frike se nuk po marrim asgje”.
Ndersa nje tjeter banor nga Komuna e Dajcit, Vincens Fusha, shprehet per gazeten: “Mendoj se qeveria e ka marre seriozisht punen e demshperblimit. Na erdhi grupi i verifikimit dhe shenuan cdo gje te demtuar. Drejtues te qeverise dolen dhe sqaruan se cdo familje do te marre vleren reale te demit qe i eshte bere dhe nuk besoj se do marrim vetem 1 mije euro. Kam besim se leket do te merren te gjitha”. Ndersa nje banore e lagjes Livade te Shkodres, Ardita Arazai, shprehet: “Une di te them vetem se sot jam pa shtepi. Aty ku banoja deri ne fillim te janarit kane plasur themelet dhe muret. Kam frike te qendroj brenda, per te mos folur per pajisjet elektroshtepiake. Eshte qesharake ajo qe kemi degjuar se do te marrim vetem 1 mije euro. Me eshte shkaterruar e gjithe jeta dhe te marr 1 mije euro per tere mundin e jetes sime nuk eshte e drejte. Nuk e di si do te shkoje kjo pune, pa marre leket nuk di cfare te besoj, nuk mund themi se as nuk do na i japin e as se do na i japin”.
Top Channel
