Ndertuesit do t’i marrin kestet e para te parave javen e ardhshme.
Premtimi vjen nga ministri i Financave, i cili konfirmoi shumat qe do te levrohen brenda ketij muaji. Ministri pranoi situaten e veshtire te krijuar ne tre muajt e fundit mes ndertuesve dhe Ministrise se Puneve Publike e Transporteve, sa i takon shlyerjes se detyrimeve te prapambetura, te shkaktuara nga volumi i madh i punes, kryesisht gjate fushates elektorale.
“Jemi duke pritur listen nga Ministria e Puneve Publike, ne menyre qe te derdhim shumat. Ne total jane 45 milione euro, ku 30 milione do t’i japim javen qe vjen, kurse pjesa e mbetur me vone. Pra, ne muajin mars do te perfundoje i gjithe problemi me ndertuesit”, tha ministri.
Sa u takon firmave te ndertimit, ato kishin paralajmeruar pezullim te punimeve deri ne zgjidhjen e problemit. Ne fakt ky ishte paralajmerimi zyrtar i shoqates, por ne realitet ne shume objekte ishin nderprere punimet, per shkak te mungeses se fondeve. Sipas ndertuesve, jane te pakten 35 firma ndertimi qe kane hyre ne situate te veshtire financiare, por qeveria pretendonte te kunderten. Mungesa e fondeve per te shlyer punet e bere ne projekte te ndryshme, kryesisht rruge, po shkaktonte pasoja zinxhir ne ekonomi, nga furnitoret e lendes se pare e deri te punonjesit qe nuk po merrnin pagat.
Pas zgjidhjes se ketij problemi, qeveria duhet te perballet me projektet e reja, te cilat kerkojne financime te medha. Plani i reduktimit te shpenzimeve me rreth 250 milione dollare do te preke edhe investimet, te cilat ishin planifikuar te zhvilloheshin kete vit. Nderkaq, Ministria e Financave ka nisur negociatat me donatoret per te gjetura financime per tri projektet e medha infrastrukturore Tepelene-Berat, Tirane-Elbasan dhe Rruga e Arbrit. Te tria keto projekte vleresohen nga qeveria ne masen 630 milione euro, ku gjysma te pakten do te financohen nga bankat zhvilluese, pra donatoret si BERZH, BEI, BB apo Banka Islamike.
Top Channel
